Benefit

反孔精英無PORE粉底

感謝@cosme邀請試用Benefit反孔精英無PORE粉底～

本人膚質係混合性油肌，每隔3至4小時後T字位就會開始出油，所以特別需要用唔脫妝嘅粉底， 尤其而家夏天特別容易出汗，更加需要用到24小時唔脫妝嘅粉底液，而今次使用到Benefit呢款防脫妝粉底令我有驚喜～

Benefit既無PORE粉底不但有保濕成份，而且防水防退色，仲可以持妝到24小時， 仲有中度遮瑕而且抗氧化，令色調維持不變，特別嘅係佢仲有護膚嘅成份，可以緊致毛孔、提升皮膚嘅細緻度同滋潤肌膚且不含粉刺 。

連續使用兩星期之後，首先覺得佢嘅妝感 偏柔霧，而且上粉時都好易推唔會卡粉，又自然貼服，加上亦都能夠遮到基本瑕疵同暗瘡印，唔需要上太多遮瑕膏，重點佢的而且確達到持妝功效，能夠控油同埋防水防退色，效果不俗令我有驚喜，再加上而家咁悶熱嘅天氣底下亦唔會令皮膚有焗住嘅感覺，亦都唔會令塊面生好多粒粒，值得推薦！