Benefit

反孔精英無PORE粉底

多謝cosme抽中我試用未推出嘅Benefit全新反孔精英無PORE粉底。
我係混合性偏乾皮膚，T字位出油，兩頰乾，有痘印。
粉底介乎cream同lotion中間，不會流動但有延展性。氣味方面剛唧出黎有啲指甲油味，之後就聞唔到。我習慣上粉底前會做保濕同防曬，再將粉底點幾點上面，用一字掃掃均勻，再用舒夫蕾海綿印開壓實粉底係皮膚上。上完粉底膚色均勻左，都遮左大部分瑕疵，比較深色既痘印要再用遮瑕膏先遮到。毛孔唔覺得有比較隱形。6個鐘後，嘴角同下巴開始浮粉，鼻翼兩側開始卡粉同出油。10個鐘後，下巴同法令紋嘴角位置浮粉更嚴重。鼻翼兩側都開始浮粉。11個鐘後，浮粉更嚴重。總括來說，粉底沒有氧化，但不太持妝，對於我是混合性皮膚，又長期在有冷氣地方，偏乾和偏油的位置都會容易浮粉。可能要再加強皮膚保濕再使用會較好。