Benefit

反孔精英無PORE粉底

感謝Cosme和Benefit提供新品無PORE粉底試用體驗 (*´∀`)

首先分享返我自己嘅膚況同埋上妝習慣先
本身皮膚係混合偏油 到咗夏天鼻翼下巴位易出油
底妝鍾意透薄自然 極少使用遮瑕
用開韓妝23號 今次收到嘅色號係#6W Light Warm

然後講講粉底本身
白色瓶蓋加上好有質感嘅磨砂樽身 泵頭取粉設計
粉底質地流動性唔高 建議分區上妝否則會乾
氣味唔太討好 好彩上妝之後唔太覺
睇包裝唔見有防曬系數

配合以下底妝產品
✿⁠ Pony 遮毛孔妝前乳
✿⁠ Shu Uemura 無極限持妝輕蜜粉
✿⁠ KOSÉ 定裝噴霧
霧面妝感偏厚 唔會完全成膜
妝後仍有輕微黏手 我會做返定妝
有歐美粉底通病：氧化 (˶ㅠ︿ㅠ)
持妝一整日會暗半至一度 揀色號時可以注意
遮瑕及毛孔修飾力度中上 作為賣點值得一讚
上一層瑕疵紅印遮到七成
鍾意自然妝感嘅我可以省略遮瑕
控油力度就一般 建議靠妝前幫手
實測期間T字區唔太控到油 用紙巾印油會甩妝
試過唔同上妝手法：一字掃/刮刀後分別用粉撲推開
建議盡量推薄 再用控油碎粉定妝
整體嚟講香港天氣咁悶熱油肌朋友們要做好控油

感謝閱讀~(⁠◍⁠•⁠ᴗ⁠•⁠◍⁠)

7月頭實測相 -