Benefit

反孔精英無PORE粉底

好多謝@cosme 和@BENEFIT 俾我今次試用反孔精英無PORE粉底嘅機會！🙇‍♀️🫶🏻

年紀漸長，面上嘅雀斑、荷爾蒙斑等色斑就愈嚟愈多，加上毛孔粗大以致卡粉情況日益嚴重，真係令人慘不忍睹！🥲

我試用完BENEFIT反孔精英無PORE粉底兩星期，基本上每次出街都有用嚟化底妝，色調如色號一樣無偏差，而效果真係非常好！❤️❤️❤️

BENEFIT反孔精英無PORE粉底唧唧咀設計用起上嚟方便乾淨，一下嘅份量大概都夠搽薄薄嘅全臉！

BENEFIT反孔精英無PORE粉底色號比較多，容易揀到心水色號，而且含84%護膚配方，Niacinamide維他命B3及玫瑰果萃取能幫助強化肌膚水份屏障，有助緊緻毛孔，提升膚質嘅細緻度，而甘油能夠提供持久嘅水分滋養，並滋潤肌膚。

我每次都會完成基本嘅妝前護膚程序(化妝水及妝前乳)後，全面塗上粉底液，只用蜜粉，唔用定妝噴霧，而喺最近夏日炎炎嘅環境下，只有極少嘅溶妝情況出現，由朝到晚嘅長時間大致上妝容都keep到，持久度唔錯，幾鍾意自然而偏霧面嘅妝感，亦符合產品聲稱防水、防暈染、防褪色嘅有效持妝24小時。😍

另外，反孔精英無PORE粉底嘅質地都幾水潤幾易推開，清爽但又唔會好乾，無卡粉嘅情況出現，就連鼻翼兩側嘅位置都好貼服，長效保濕及中度遮瑕，小瑕疵例如唔太深色嘅雀斑等都遮到，更驚喜嘅係未上蜜粉已經有肌膚更光滑透亮及即時收細毛孔嘅效果，而且抗氧效果唔錯，色調全天維持不變。經過兩星期後，無明顯粉刺嘅增多，如官方所言選用不致粉刺配方。🫶🏻

BENEFIT反孔精英無PORE粉底親PORE、養PORE、寵PORE，我會繼續持續使用，觀察毛孔膚質有冇更細緻🫡
不過暫時為止粉底嘅色調、質地及效果都令我滿意，屬於會回購嘅產品！💕