Benefit

反孔精英無PORE粉底

多謝@Cosme選中我，可以試用@Benefit新產品“反孔精英無PORE粉底液”。本身都用過Benefit王牌POREfessional毛孔細緻底霜，效果好好，所以今次好期待試下呢個粉底。

試用色號: 4N
膚況: 混合性偏油，T字位毛孔粗大及容易出油，有粉刺及暗瘡問題，有暗瘡紅印

粉底質地係偏輕薄同易推開，一粒黃豆size已經可以上全面，搽上面亦都好快變乾爽，今次我用粉樸上粉底，事前只係搽左防曬。

上妝前皮膚 - T字位毛孔明顯粗大，有粉刺紅印，膚色較暗啞
上妝後 - 全面薄薄上左一層粉底，妝感偏自然啞緻，毛孔大概遮蓋左50%，粉底上一層遮瑕度低至中，可以局部位置再上粉底增加遮瑕度

7小時後 - 持妝力唔錯，香港咁熱既天氣下都冇點溶妝，最surprise係控油度幾好，比平時少左出油，相信12個鐘以上持妝力都冇問題

綜觀呢個粉底液都好適合香港夏天用，妝感係清爽同埋持久，係混合偏油至油肌皮膚恩物，毛孔粗大既朋友都要試下!