Benefit

反孔精英無PORE粉底

本身好鍾意Benefit嘅遮毛孔精華，
抽到試用呢枝反孔精英無PORE粉底真係好開心！！

首先講下包裝，設計係走簡約路線，
啞面玻璃手感非常好，泵咀都好易控制份量。

粉底質地唔算厚重，易推開，
用手指好易就blend開，唔會有積粉痕。
唔知點解用手指上妝效果會比用掃好🤔
唔肯定係咪會成膜（應該會？），建議逐個部位上妝，
唔好一次過點哂落全塊面。
同埋千祈唔好打圈，因為佢好快乾，會容易積落毛孔變白芝麻。

本身皮膚白，今次抽到嘅4N色號Wonder (Fair Neutral Peach) 完全啱哂色🤩
妝感屬於柔霧感，非常自然，冇明顯粉感（面具感）。
遮瑕力中等，一些小瑕疵或者泛紅都遮到，但如果想遮勻啲，可以再輕輕疊多一層，唔會一撻撻。
上咗粉嘅毛孔位明顯滑咗，妝感好細緻。

至於持妝方面，試過一日帶妝八個鐘以上，
上到下晝都無明顯溶妝、係T位出油比較多（混合油肌，T位大油田），但都唔算嚴重，無浮粉、色調都無變到。
控油表現幾好，特別夏天流汗、出入冷氣地方又凍又熱，都唔會甩粉。

連續用咗兩星期，膚質感覺有改善，毛孔無咁粗，
皮膚摸落去幾滑，最緊要係無生暗粒、粉刺或者敏感。
雖然呢隻粉底主打護膚配方，但我覺得最大優點係夠貼膚、long lasting又易用。