Benefit

反孔精英無PORE粉底

多謝@cosme同Benefit嘅抽選，令我可以試用今次嘅產品：反孔精英無PORE粉底

本人係大油肌，選擇粉底時會偏向選擇清爽嘅質地。今次反孔精英就做到呢樣嘢，粉底質地偏水狀，好易推開。用粉撲拍開之後都好快轉霧面。上一層粉底嘅話，遮瑕度都有六成，而且持妝全日後膚色都唔會氧化暗沉。

但毛孔方面就覺得做得還好，鼻尖位嘅粗大毛孔比較難遮， 面頰兩旁嘅淺啲嘅毛孔就遮到。同埋持妝程度亦都覺得只係還好，上妝四小時後開始出油，亦會出現「白芝麻」嘅情況。

最後，養膚方面個人就感受唔到收緊毛孔呢一部分，但使用呢支粉底的確唔會引起粉刺或暗瘡。