Benefit

反孔精英無PORE粉底

感謝@cosme提供試用品🥰❣️

Benefit反孔精英無瑕粉底液真係好啱我混合偏油同毛孔粗大嘅皮膚。佢質地好滑，好易推開，上妝之後個妝感係柔霧。遮瑕度方面係中上，淺色痘印、泛紅同黑眼圈基本上遮到，但如果係深色瑕疵，都係要用遮瑕膏。至於修飾毛孔方面，佢嘅即時效果好好，上妝之後毛孔明顯冇咁明顯，皮膚睇落去平滑咗好多，而且妝感自然，唔會厚粉，好貼服。

持久度方面都幾出色，喺香港又熱又濕嘅天氣，戴妝大半日，個底妝都keep得幾好，冇乜點甩妝或者暗沉。控油效果都值得一讚，T字位出油少咗，就算出油之後，個底妝都唔會一撻撻，而係呈現一種自然嘅光澤感，就算熱天勁流汗，個底妝都唔會點甩或者暈染。

用咗一段時間，我冇發現有爆暗瘡或者粉刺嘅情況，皮膚狀態都keep得幾穩定，冇因為用粉底液而差咗。毛孔粗大嘅問題雖然暫未有大變化，可能需要更長時間使用及配合更多日常護膚程序，但整體佢嘅妝效已經令人好滿意，簡直係一款專門修飾毛孔的粉底液💯