Benefit

反孔精英無PORE粉底

首先好多謝@Cosme 獲得今次嘅試用機會， 今次係試用BENEFIT 反孔精英無PORE粉底❤️

膚質：中性膚質，T字位放工後先會明顯出油，毛孔明顯🥲同埋間中會生痘痘，所以keep住都會有一兩點痘印。

試用環境：室內辦公室 + 短暫戶外番放工搭車，溫度約 25-35°C。
上妝方式：基礎保濕 -> 防曬 -> 妝前乳-> 用Soloxx既台灣粉撲上粉底

本身都有用開佢嘅毛孔細緻霜，由讀書時期用到而加了，非常之好用，所以對呢個品牌一啲都唔陌生😊
今次試用嘅色號：
佢質地係唔算流動性好高，但唔係粉霜 /膏狀，稀杰度中等，冇香味既。
以下係我嘅妝前妝後圖，明顯見到毛孔修飾能力係非常之好，好似開咗濾鏡咁。尤其是鼻翼兩側和臉頰的粗大毛孔，填平效果非常好，皮膚看起來平滑細膩很多，連額頭嘅細紋都撫平咗🥰

控油方面都做得好好，T區出油速度比平時慢，基本上喺Office嘅時間都keep住係柔霧既狀態，番工黎講都幾鍾意呢種低調啞光嘅霧面妝感。我返工基本上都會戴住口罩，收工除口罩都唔太多粉底黐喺口罩度。 就算星期六日去足全日街，喺炎熱嘅天氣底下都冇嚴重溶妝👍🏻

遮瑕方面，我覺得係中度遮瑕，暗瘡印位置其實都遮咗七八成，只係再輕輕點兩下遮瑕膏就夠😛
呢張係日常室內光線之下睇到嘅效果，好自然霧感，唔會話額頭反晒光咁，比人好乾淨同清爽嘅感覺😗

過咗12個鐘頭放咗工之後，妝容大致上都完整，冇出現斑駁嘅情況。加上我平時好懶得補妝，咁熱嘅天氣底下都冇溶妝，同本身嘅皮膚貼合，而且冇焗粒粒，額頭位置仍然見到係非常平整的😃 唯一要挑剔嘅時間耐左會有少少乾。
總結：
我覺得係好適合混油或油肌，同埋毛孔明顯粗大既人，因為佢做到毛孔隐形同有出色既的控油持妝效果😚
但如果追求水潤光澤感妝效，或是大乾皮人士就未必係首選🤨


毛孔修飾：9/10
狀感：7/10
保濕：6.5/10
遮瑕：8/10
回購指數：7/10