JONZAC

緊緻祛暗眼唇精華

呢支係一支非常有驚喜嘅眼部精華。我嘅眼部皮膚好敏感，怕乾得黎如果產品太潤又會生油脂粒。但JONZAC 呢支眼唇精華質地好清爽，滋潤度岩岩好，最驚喜係早上上妝前用佢眼妝會非常之貼，連平時化完妝一定會出乾紋嘅眼低位置都可以無乾紋，係可以做到全日都無紋呢個效果真係超出預期。因為呢個原因，我將來一定會再買（而且萬寧有售，真係好方便）！至於緊緻功效亦都見到有少少效果。眼袋係唔夠訓嘅情況下仍然有輕微改善。

另一驚喜位就係呢支精華可以同時係唇部周圍使用。如果大家有用開A醇，可能都知道A醇係唔可以接觸唇部皮膚。但有時使用時少不免會微微接觸到，令到唇部周圍有少少脫皮。而家我會用左呢支精華先係唇邊薄薄塗一層，之後先係面到用A醇精華，so far 咁耐唇邊都無再脫皮，而且更加有適當嘅滋潤到，真係好開心！