ettusais

極幼持色眼線液

多謝@cosme抽中我試用ettusais極幼持色眼線液～

呢支眼線筆畫落去順滑度極高，完全唔會出現斷墨、出水量不均或者筆尖開叉嘅情況，可以一筆過順暢勾勒出條眼線。筆身內置咗黃金比例重量嘅金屬穩定器，筆桿拎落手會感覺到重心移後，手感好扎實。呢個重力設計非常有效改善「手震」問題，初次使用都可以好穩定咁壓住畫，就算喺車上或者新手畫眼尾拉尖，都唔怕畫到歪七扭八，極易掌握。

而佢嘅筆尖真係做得非常極幼，而且極具彈性，無論係想填補睫毛根部嘅內眼線，定係想喺眼尾拉出一條俐落精細嘅cat eye，都可以精準做到，完全唔會變粗線條。

我都好滿意佢嘅持久度，出街帶妝一整日，就算喺香港又濕又熱嘅天氣或者油眼人身上，眼尾都完全冇出現暈成「熊貓眼」或者塊狀脫落嘅慘況，持妝力表現非常高分。
before
after
帶妝一日後