L'Occitane en Provence

草本療法防掉髮頭皮護理精華

首先多謝 @cosme 邀請今次參加loccitane 頭皮分析 及 產品試用workshop，這是我第一次參加cosme 的實體workshop，整個體驗感受非常好，有專業有禮的服務及各產品的資訊及護理頭皮的交流。
一到店，已見到cosme 員工，先幫我們參加者登記及講解workshop 流程，因為上一組客人未完成，等左15分鐘左右，期間cosme 員工非常有禮，會同參加者傾下偈，了解參加者日常的皮膚護理習慣，以及閒談一下。
很快便安排進行頭皮測試，整個過程大概20-30分鐘左右，loccitane 職員Kiwi 也很有善，全程細心分析頭皮狀況，以及介紹合適個人的洗髮及護理產品，亦會分享如何配搭使用會更好，全程沒有hard sell，最後有份product set比我地每位參加者回家試用 (包括一支草本療法頭皮防脫精華 及 一個頭皮按摩梳)。官方建議3支為一個療程，第二支開始會明顯甩少左頭髮及開始有BB毛生番出黎。(期待…)

Workshop當天花絮：當天會有埋頭皮分析結果比我地作參考💯(左圖)：未用防脫精華前的頭皮及頭髮狀況 (本人有漂染習慣)
(右圖)：使用2星期狀況，脫髮數量左D，暫未見有BB毛生出。

分享下使用防脫精華後的感受及效果先：
產品剛出時，買過給剛生完BB的朋友作禮物 (記得要完成餵哺期先好用喔)，朋友用完後都說有效果，所以今次workshop 就吸引了我參加。

質地：非常流質，使用後清爽，完全不黏笠，尤其夏天天氣咁熱咁焗，好怕黏笠濃稠質地，幸好這個產品很適合這個天氣使用。
味道：草本香氣，舒暢清爽，不難聞。

使用步驟如下：
1. 搖勻精華: 在使用前，充分搖晃瓶身，確保油水混合均勻，激活精華的雙重功效。
2. 滴在頭皮上: 將2毫升精華（約2個滴管份量）分別滴在頭皮的不同部位，確保均勻分佈。
3. 按摩吸收: 用指腹輕輕打圈按摩頭皮，幫助精華充分滲透吸收。
4. 無需沖洗: 精華吸收後，無需沖洗，可直接造型。
5. 使用頻率: 建議連續使用2個月，每天一次，然後在最後一個月每週使用1-2次。

使用4星期後，脫髮情況有改善，感覺頭皮都健康左(平時用手梳一梳頭髮，都會有起碼6-8條頭髮掉落，依家只有1-2條掉落)，BB毛未見有生長，不過官方都係話第二支先會開始明顯見到，所以用完第一支後會買第二支用，正常黎講一支可以用到一個月，但暫時用左4星期都仲有大概5分一支剩(可能每個人頭皮面積同需要用既位置吾同，用量會有多多少少的差距)

總括而言，我會繼續使用，如果第二支有明顯睇到分別，就會繼續買埋第3支，作一個完整療程咁用，希望髮界﹑脫髮數量﹑頭皮健康都有所改善啦﹗
再次感謝cosme 的邀請，今次workshop 體驗非常好，希望日後有更多此類Workshop 及產品試用活動。