L'Occitane en Provence

草本療法防掉髮頭皮護理精華

從細就係屬於多頭髮嘅 人，冇諗過自己會有脫髮問題。但5-6年前開始，每次洗完頭都會有一餅野係去水位，同埋肉眼見到頭髮中間條罅開始疏，勁擔心會唔會有一日變左摩西分紅海咁樣🥲

好多謝 @Cosme 邀請參加今次L'Occitane en Provence嘅專業頭皮髪質分析體驗及草本療法精華試用活動，唔檢查都唔知道自己頭皮嘅真實狀況，仲以為自己洗頭習慣好好 😕

由入鋪頭直至完成檢查閃人大約20分鐘左右，好快手！首先職員會用儀器幫我分析頭皮狀況，例如睇下啲毛鱗片傷唔傷、脫髮情況嚴唔嚴重、頭髮濃唔濃密、有冇頭皮等等。

過程職員好細心好friendly，會逐步解釋返每個檢測結果，又會show啲相畀我睇。期間會了解下平時嘅洗頭習慣、點樣護理等等，就住我嘅情況畀返啲護髮小貼士，例如洗頭要保持2分鐘以上頭皮先會洗得乾淨。因為我用髮尾油皮膚會敏感，職員就建議我用一啲非油類嘅噴霧護髮產品同埋最緊要防曬，好多時都忽略左頭皮都會曬傷，啲貼士真係好實用嘅！👍🏻

最後根據分析結果會收到一份 gift product，包括頭皮精華、頭皮梳 & 洗頭水護髮素 Sample，教完點樣用就大功告成喇!

我嘅檢查結果屬於髮絲唔算嚴重受損，但部分毛囊捉唔實D頭毛，所以跌走晒，頭皮薄較紅腫，需要多啲護理個頭皮! 今次試用嘅係 “草本療法防掉髮頭皮護理精華”，草本味好天然C服，亦都吸收得好快，唔會令頭髮痴立立。之前有試過自己亂買頭皮精華，生晒頭瘡搞到唔敢再用，so far 連續用左呢枝精華20日都冇出現呢個情況，髮絲強韌咗冇咁易斷，最緊要頭皮冇再痕，冇咁易紅，感覺幾好，希望用耐啲真係生返多啲毛毛出嚟～

有相同困擾嘅人都可以可以一試！