L'Occitane en Provence

草本療法防掉髮頭皮護理精華

感謝@Cosme邀請參與 「L’Occitane en Provence 專業頭皮髮質分析體驗及草本療法精華試用活動」。

🌼我係2/7親身到海港城旗艦店使用專業儀器分析頭皮狀況、毛鱗片受損情況、脫髮狀況、頭髮濃密度和頭皮屑狀況。

女店員十分友善，先同我傾偈了解我已知的頭皮及頭髮問題，然後開始用專業儀器放到不同位置，🔎同步放大頭皮喺ipad上一邊診斷頭皮情況，一邊細心針對我既情況講解護髮要注意既地方。講解途中亦顯示不同階段的參考圖，十分清晰及容易理解自己的情況。最後跟據我頭皮和髮質的需要推介適合的產品，店員除咗詳細講解有關成份外，更會開蓋俾我聞產品氣味及即場試用質地。

我本身曾經減肥節食影響身體荷爾蒙，頭髮濃密度未能達標，但頭皮狀況仍屬良好，所以店員推薦我用L’Occitane en Provence草本療法防掉髮頭皮護理精華。收到產品後即晚開始使用。🗣️店員再三提醒使用前需要把兩層顏色的精華搖晃，令精華油均勻分布。洗髮後沿着前額髮際線滴，然後以打圈動作按摩直至吸收💆🏻‍♀️。每次份量大概兩泵。

我買過不同牌子既防脫精華，我用過嘅質地都係比較濃稠而且氣味比較難聞。即使洗髮後使用再吹乾第二朝亦感黏笠，經常用唔到一半就沒有繼續用落去。但係L’Occitane en Provence草本療法防掉髮頭皮護理精華一唧出嚟就好似水咁輕易就流到整個頭皮，配合輕輕按摩已經好快吸收哂。👍🏻所以其實喺門市試用時已經俾佢清爽嘅質地驚豔到。🌿草本香味亦令成個過程好舒服，用起嚟感覺好天然好療癒。

當日同店員講開最近頭皮有輕微痕癢情況，診斷後我頭皮並沒有泛紅或敏感，但有輕微乾燥。感謝店員的提醒不要用太熱的水洗頭。配合精華油持續使用一段時間後，舒緩了痕癢的問題。同時解決到之前因染髮的乾燥問題，宜家睇到髮尾有明顯光澤度，梳理順滑。最後雖然未能明顯感到髮量變多，但明顯睇到脫髮情況減少。每日沖完涼個隔網無左一大團頭髮塞住，真係好感動🥹！

✅ 今次產品差唔多試足一個月，無諗過各方便都有好的變化。宜家感覺頭皮變得健康咗，會堅持每日用精華及按摩頭皮。始終頭髮既問題唔係短短一個月就可以改善，需要持之以恆。

✅✅兩個月後再到門市做頭皮分析，估唔到有咁好成績！主要係頭髮濃密度方面，見到多咗好多新長嘅頭髮，亦見到毛囊由一條長至兩條甚至三條頭髮！我認為呢支精華好適合我，已經回購會持續使用。