L'Occitane en Provence

草本療法防掉髮頭皮護理精華

多謝cosme邀請我到L’occitane朗豪坊店體驗頭皮檢測分析，職員透過輕鬆交談去了解我日常護理習慣，例如：幾耐洗一次頭，每次洗一次定兩次(並提醒我每次要洗兩次頭)，有沒有用護髮素、頭皮精華及髮尾油。
職員消毒專業儀器，再將專業儀器以放大60倍去拍攝再分析頭皮狀況，從而了解自己頭皮既Thickness 濃密度、Hair cuticle 毛鱗片、Hair loss 脫髮、Redness 敏感。
Thickness 濃密度:
解釋每個健康既毛囊會有三條頭髮，我既毛囊多數有兩條或一條頭髮，有部分毛囊有兩條頭髮但其中一條頭髮就好幼，職員建議我要定期做頭皮深層清潔，生出來既頭髮先健康，幼細既頭髮會容易脫落，生命周期較短，要用精華令頭髮更強韌，防止脫落。
Hair cuticle 毛鱗片:
染過髮會影響毛鱗片，建議我每次都要用護髮素可以解決毛鱗片受損，有染過頭髮亦需要用髮尾油護理髮絲。
Hair loss 脫髮:
落髮等級III，主要係頭頂及分界位置，職員估到我條髮界分左好多年，髮界中間位置有輕微落髮狀況，職員分析頭頂位置經常受太陽照射及紫外線既傷害，建議我盡量定期轉換髮界線及留意紫外線對頭皮既傷害。
Redness 敏感:
頭皮有一噠噠紅色，經職員了解，知道我既頭皮無痕癢，但係都係處於比較敏感既頭皮，建議我洗頭時水溫唔好過熱，避免傷害頭皮。

整個頭皮檢測分析，新奇在於經專業儀器60倍放大後，每個毛囊都很清晰，可以清楚看到個別毛囊有油脂黏附於頭髮根部。完成頭皮檢測分析，職員建議我用 “草本療法防掉髮頭皮護理精華”，還細心解釋每次使用精華前要搖晃瓶身，每次洗完頭用量為兩泵(上圖為一泵用量)，第一泵用於髮界，第二泵用於兩側髮際線-左右兩側各半泵，職員還叮囑我唔好將吸管拎高滴落頭皮，要將吸管貼住頭皮泵精華液出來，精華液才容易被頭皮吸收，唔會滴落頭髮，再用指尖將精華液推開，按摩頭皮直至完全吸收才吹頭。
我試用了二十幾晚，每晚洗頭洗兩次配合頭皮按摩刷，再用護髮素，濕髮上跟上面職員建議兩泵用量用於頭皮再加以按摩至完全吸收，使用感:
髮界方面，豐盈左小小，落髮問題好左(先防掉)，短短毛髮亦多左小小(後再生)。
兩側髮際線方面，見到頭皮既範圍小左。
髮絲亦順滑左，因為我有聽職員建議多用護髮素保護髮絲！

心理上或肉眼睇頭皮狀況比未用精華前有所改善及健康；感覺以同一力度梳頭，落髮情況比之前明顯減少，髮根更強健，頭髮更牢固。至於實際狀況，要期待下一次頭皮檢測分析結果，睇數據先至準啦:)
雖然精華液是水油雙效配方，經搖晃後屬於水狀質地，好濃草本芳香味，容易接受，臨訓前仲聞到草本芳香味，不經意地令我更容易入睡！精華液能快速被頭皮吸收、清爽不黏膩。按摩過程舒適、舒壓、療癒，感覺到滿滿營養被頭皮吸收！
我平時除左用洗頭水，按需要時才會用護髮素、髮膜、精華，做完頭皮檢測後，增加左好多對護理頭皮既知識，例如要每次洗頭都要用埋護髮素，搵岩自己用既產品，使用精華液既技巧，洗頭水溫要留意，係戶外時要提防紫外線既傷害。
持續使用一段時間後，感覺頭皮有變健康，頭髮開始變強韌，脫髮數量減少，髮量感暫時未見有變厚，頭皮亦沒有感到不適/痕癢/乾燥等問題，髮絲變得順滑帶點光澤。

睇埋第二次頭皮檢測分析後，會考慮回購既一款！

多謝cosme再次邀請我到L’occitane朗豪坊店於2025年8月26日體驗第二次頭皮檢測分析：職員消毒專業儀器，再將專業儀器以放大60倍去拍攝再分析頭皮狀況，從而了解自己頭皮既Thickness 濃密度、Hair cuticle 毛鱗片、Hair loss 脫髮、Redness 敏感。
可見Thickness 濃密度有改善，有短短幼幼既新毛髮生左出黎，職員建議我要繼續給營養比頭皮/毛囊，新生既毛髮就會強韌健康。