ARMANI Beauty

水潤絲光氣墊修護粉底

多謝@Cosme，好開心抽中左Armani Prima Glow Cusion！
一試上面，已經好有驚喜，薄薄上一層後，整體膚色均勻透亮，泛紅位置同粗大毛孔都遮曬，額頭同蘋果機位置，完全唔使用高光都有光澤，係一個天生好皮膚既感覺，如果鐘意偽素顏妝感，呢個cusion完全可以滿足到。
對於混合油肌既我，T字位同兩邊面用左都ok!如果主要係室內，就咁用呢個cusion都得，唔上碎粉都感覺清爽。
上妝5小時後，整體妝容都仲keep到，T字位出油之後都唔會反曬光，輕印走啲油之後、個妝都仲好靚，都無點氧化。
遮瑕度就唔算好高，如果有暗瘡或者暗瘡印就要另外用遮瑕膏

Cusion附送既氣墊都好好，唔會吸好多粉，延展性好好，印一次粉底就可以 上大半塊面，上完妝之後，個氣墊都唔多粉底液殘留，而且氣墊有啲位做左角位，方便修飾眼角呢啲細位，如果氣墊條帶改成彈性帶就更完美，絲帶材質係好靚，但攝三隻手指入去又有啲鬆，四隻手指又唔夠位，所以上妝果時個氣墊就唔係咁就手。