ARMANI Beauty

水潤絲光氣墊修護粉底

ARMANI PRIMA GLOW CUSHION主打高光絲緞技術，務求用後令皮膚有原生高光感，令輪廓更突出。

首先，包裝好高級，厚Cushion蓋+大logo，好似一件裝飾品咁，放粉撲嘅位置加左一塊小蓋，令到粉撲唔會一打開蓋就飛出嚟，係一個貼心嘅加分位🍒

妝效方面，哩款Cushion上到臉妝感好清透，雖然遮瑕度偏低，但係水光感滿滿。粉底按壓上皮膚，特別係額頭，鼻樑，下巴位置，更加突顯到Prima Glow嘅高光效果，令面部輪廓更加立體同埋突出，皮膚望落亦會更加細滑，健康。

持妝度嚟講，而家香港嘅濕度同氣温高企，出到街好快就出油同出汗，但哩款粉底愈夜愈靚。皮膚出油後，粉底會更加融入毛孔，唔會愈用愈乾燥，亦都冇出靚脫妝，氧化嘅情況。用左4個鐘後，妝感都依然係好完整，唔需要補妝。

整體來講，無論粉底質地，妝效都適合唔需要高遮瑕，只係想要皮膚望落更靚，鍾意化裸妝嘅人。又或者當液體高光使用，唔會有粉感，局部上喺面部突出嘅位置都好適合 。一件產品可以有多個用法，真心推介大家買來試試❤️