DECLARÉ

水盈保濕面膜

夏天嘅肌膚係混合偏油同埋敏感肌。洗面後5個鐘左右T字位就會有少少出油。所以潔面都係揀啲控油同清潔力高嘅洗面奶。加上平時處於冷氣房，肌膚會比較乾，所以係用完Declare 嘅淨肌潔面啫喱後會薄搽一層水盈保濕面膜，等待10分鐘後再用暖水洗走面膜。

質地： 白色膏狀，好似hand cream咁，易搽開
香味： 有花香味，吾濃
功效：保濕鎖水，減淡乾紋、細紋、粗糙、鬆弛等缺水膚況，改善泛紅
效果：14日內使出過4次。每3日至4日使用一次。第一次使用嘅時候，一搽上面，面頰有出現敏感情況，塗抹嘅部份有敏感變紅，有少少刺刺地，但我都有繼續計時使用。清洗後即時會感到皮膚好水潤所以只係搽左爽膚水冇使用其他產品。之後幾次用都冇敏感情況出現。用過4次後，感覺皮膚有滑左少少而且肌膚好水潤，係冷氣房都甚少有肌膚乾到繃緊嘅情況。本身冇乾紋細紋所以吾清楚有冇呢個功效。

未使用前：面頰較乾，皮膚粗糙，有暗瘡泛紅第一次使用：有敏感，塗抹地方有紅13日後（期間共用過4次）泛紅問題有改善，面頰有少少平滑但毛孔問題並冇改善