DECLARÉ

淨肌潔面啫喱

我嘅膚質：
痘痘肌
夏天混合偏油（T字會出油、面頰偏乾）
冬天混合偏乾
輕 微敏感肌（個別護膚品使用後會痕）
感謝@cosme邀請參加試用活動 ，呢款「淨肌潔面啫喱」真心唔錯，用落係一個舒服嘅體驗！
首先，佢唧出嚟係藍色gel狀、質地輕盈，好易推開。
第一次傻仔咗唔小心加水當左普通洗面奶咁用， 結果變咗滑潺潺，洗起嚟怪怪地，要跟返建議使用應該係微濕嘅臉上推開， 個人覺得乾手乾面咁洗係最好用搽上臉好易推開，唔會有黏笠笠嘅感覺，佢有一浸BB爽膚油香味，個香味我幾鍾意，洗完臉之後，皮膚完全無嗰種討厭嘅「緊繃感」，感覺清爽又乾淨。潔淨力真係好出色，平時我搽開防曬加碎粉，佢捽捽吓將死皮（？）連油脂同埋防曬 好似擦子膠咁捽走，唔需要雙重清潔，慳時間又方便！(Before)(After)

用完之後，皮膚嘅多餘油脂真係少咗好多，由其個鼻頭，好明顯冇咗油光，但同時又唔會過分抽乾水分，肌膚保持到應有嘅水潤感。大部分位置都無乾燥或者繃緊嘅問題，不過喺一啲特別乾嘅部位，例倒如面同頸嘅交界位，會有少少微繃嘅感覺。

喺減少暗瘡方面，我覺得佢淨係可以預防，但係都係要用暗瘡膏先可以代謝暗瘡。 不過，佢可以以減少油脂都有助減少痘痘出現。

長時間用落，搭配保濕面膜，皮膚嘅「水油平衡」真係有改善，出油量明顯減少，但保濕度就提升咗，皮膚望落健康左。

推薦人士： 混油肌至油皮（去油光一流）混乾肌夏天可用
不適合人士：極乾肌（極乾位置會有些微繃感佢清潔力太好） 懶鬼（唔可以一路沖涼一路洗佢喺gel狀唔可以加水洗）