SOFINA iP

水光去角質碳酸慕絲精華

多謝 @cosme邀請試用。一直都幾鍾意Sofina嘅產品，之前試用過佢哋碳酸系列都覺得不錯。今次試用呢隻去角質碳酸慕絲精華，係第一次試用呢種唔需要洗同埋冇磨擦肌膚粒粒狀嘅去角質成份。
佢係按壓式頭設計，一下嘅份量都幾多，慕絲質感好綿滑，上臉感覺好舒服，用完之後亦都冇以前用開嗰啲去角質產品咁繃緊，反而有種潤滑感覺。
第一次用嘅時候，係已經洗完面，但係用咗隻去角質精華推開全面之後竟然有啲死皮出咗嚟，用化妝棉抹嘅時候係會有啲黑黑灰灰，但係用多幾次已經冇咁嘅問題。

同埋本身額頭嗰度有個敏感嘅位，有甩皮問題，用咗大約十日之後就已經改善好多，同埋上妝亦都容易咗，唔會有卡粉嘅問題出現。呢隻產品就算有過敏嘅肌膚都適合用，去角質之餘亦都保持滋潤嘅感覺，值得推介！