麗珠蘭 REJURAN

PDRx 5%強效鎖水機能爽膚水

首先要多謝@cosme提供嘅試用。為左認真對待今次嘅試用，我停哂本身用緊嘅skin care products, 只係有用呢個 [REJURAN麗珠蘭舒敏凍齡水光肌系列] , 包括左爽膚水，安瓶精華同再生修復面膜。

如果單一講爽膚水，佢質地都輕盈嘅，用落無乜黏笠感，化妝前用都無同防曬或者底妝打交，不過鼻同T字位都係會出油，可見上妝前單用佢嘅話，保濕力略有不足。

沖涼後試過用黎濕敷，效果比起就咁拍上面好好多，可以見到皮膚即時補水，冷氣房下，水嫩嘅效果都last到幾個鐘。

而家成個系列用左大概兩個星期，皮膚無敏感，我覺得佢地保濕力算係中規中矩，雖然皮膚唔覺有明顯改善，但至少無繃緊嘅感覺，不過不失。