麗珠蘭 REJURAN

PDRx 5%強效鎖水機能爽膚水

講到近年最受歡迎嘅醫美療程，肯定非麗珠蘭莫屬，透過水光針嘅極細針頭，將保濕成分注入肌膚，打造韓星嘅水光肌。其中最出名嘅就係麗珠蘭黑盒，含有高濃度嘅PDRN(脫氧核糖核苷酸)，即係由三文魚身上提取嘅DNA萃取，同人體嘅DNA高度相容，可以刺激細胞再生、強化肌膚屏障，達到修復、抗老、保濕嘅效果。不過好多人都話打麗珠蘭嘅體感極痛，療程費用亦唔平。


而家就有另一個無痛、價格相宜嘅選項，就係麗珠蘭舒敏凍齡水光肌系列。今次試用嘅麗珠蘭PDRx 5%強效鎖水機能爽膚水，除左有黑盒相同成分、但更易被皮膚吸收嘅小分子c-PDRN，更有7%專利抗老舒敏成分PDRx(三文魚外泌體精華)，可以幫助改善皮膚角質、強化肌膚屏障。


呢款爽膚水嘅質地偏水狀，搽上面個陣會聞到少少乳酸產品嘅味道。搽匀全面之後，好快就會比皮膚吸收，完全無黏膩嘅感覺，皮膚亦變得比較柔軟。喺皮膚感覺比較乾嘅日子，我都會拍多少少上面。


本身皮膚偏乾，容易甩皮、泛紅，毛孔亦比較粗大，使用麗珠蘭PDRx 5%強效鎖水機能爽膚水兩星期之後，可以見到面頰側邊嘅泛紅有減少，皮膚比較滋澤，不過就唔係好見到毛孔有收細喇。同自己用開嘅另一款醫美品牌爽膚水相比，麗珠蘭呢款爽膚水只係潤多少少，甚至有時搽完仍然會覺得塊面好乾，所以效果唔係太impress到我。