麗珠蘭 REJURAN

PDRx 5%超水光深層保濕再生修復面膜

講到近年最受歡迎嘅醫美療程，肯定非麗珠蘭莫屬，透過水光針嘅極細針頭，將保濕成分注入肌膚，打造韓星嘅水光肌。其中最出名嘅就係麗珠蘭黑盒，含有高濃度嘅PDRN(脫氧核糖核苷酸)，即係由三文魚身上提取嘅DNA萃取，同人體嘅DNA高度相容，可以刺激細胞再生、強化肌膚屏障，達到修復、抗老、保濕嘅效果。不過好多人都話打麗珠蘭嘅體感極痛，療程費用亦唔平。

而家就有另一個無痛、價格相宜嘅選項，就係麗珠蘭舒敏凍齡水光肌系列。今次試用嘅麗珠蘭PDRx 5%超水光深層保濕再生修復面膜，除左有黑盒相同成分、但更易被皮膚吸收嘅小分子c-PDRN，亦有5%專利抗老舒敏成分PDRx(三文魚外泌體精華)，以及神經醯胺NP同埋膽固醇，可以幫助修復皮膚屏障、鎖水保濕。


面膜質地唔算好薄，不過都頗貼面，敷完之後塊面會有黏膩嘅感覺，都要洗一洗面。本身皮膚偏乾，容易甩皮、泛紅，毛孔亦比較粗大，敷完麗珠蘭PDRx 5%超水光深層保濕再生修復面膜之後，第二日起身可以見到面頰側邊嘅泛紅退左好多，皮膚比較滋澤，後續上妝都無咁易卡粉，全日坐喺冷氣房亦唔覺得皮膚好乾或者出油好勁。感覺呢款面膜都好適合醫美之後使用，會再回購！