LAURA MERCIER

純淨無瑕輕羽養膚粉餅

多謝cosme 抽中左做試用。

呢款laura mercier 新出既純淨無瑕輕羽養膚粉餅，感覺真係又愛又恨！
佢嘅粉質超幼細，遮瑕力不錯，毛孔可以遮得好好，亦可以均勻膚色，皮膚望落好似有filter咁blur 左。
上粉前上粉後

質地十分清爽，搽完完全唔覺厚重，夏天用真係一流，成日都覺得皮膚輕盈舒服。控油效果好強，T字位同面部幾乎唔出油，妝容keep得耐。不過，可能控油太勁，偏乾肌用咗幾粒鐘後，T字位會有啲甩皮，略為乾乾地。建議乾肌嘅朋友搽之前用保濕精華或者妝前乳打底，應該會好啲。

整體黎講，適合鍾意清爽妝感嘅人，同埋夏天用都ok。而且細細盒帶出街補妝都好方便。