LAURA MERCIER

純淨無瑕輕羽養膚粉餅

多謝cosme！第一次被抽中試用，今次試Laura Mercier 新出純淨無瑕輕羽養膚粉餅（1W Brioche) + 柔焦保濕蜜粉！本身有用同系列粉底液，已經覺得好薄，但夏天就更想試吓粉餅會唔會更薄。

粉盒係簡約粉色，盒身幾薄，拎出街都好方便！
我屬於混合性偏乾，T字位較油，毛孔粗大，有雀斑。本身以為個色會好白，點知上咗面好自然好薄，粉質幼細，毛孔感覺細咗少少。感覺個妝係好薄無咩粉感，就算用紙巾抹鼻時都無甩色👍🏻，平時用其他粉底液或粉餅，唔多唔少都會印咗上紙巾。

收工返屋企過咗8個鐘，其間有3個鐘左右喺室外，其餘時間喺冷氣房。平時收工鼻同鼻翼兩側都會出比較多油，今次只係鼻出咗少少油，控油能力高，適合油肌以及夏天用。
第二日試咗沾濕粉撲再推開嘅方法，建議會更高遮暇度。感覺遮暇同乾粉撲上分別唔大，但妝感明顯更貼服、多咗少少光澤感。所以如果需要高度遮暇，另外用遮暇膏比較好。

總括黎講，妝感自然輕薄、控油得黎唔會好乾，均勻膚色、提亮都做到，而妝感薄所以相對遮暇力弱少少。用過同系列粉底液，比較水潤，感覺乾肌用粉底液會較適合。