LAURA MERCIER

純淨無瑕輕羽養膚粉餅

多謝 @cosme嘅試用邀請， 今次我試用嘅係Laura Mercier 純淨無瑕輕羽養膚粉餅，色號係1N，作為第一次試用呢個牌子嘅人，我覺得呢個粉餅對我嚟講幾有驚喜。
先從色調嚟講，呢個色號偏白，而我嘅膚色屬於中等偏白，所以呢個粉餅用咗我塊面都幾自然，唔會係嗰啲好明顯白咗幾度嘅效果，對於呢個底妝嘅色調我都幾滿意。
其次從妝感嚟講 ，作為一個乾肌底，本身都會好擔心粉餅會唔會令到我卡粉/見到乾紋，用上面嘅感覺得都算幾潤澤，霧面妝感而又唔會太乾 ，當然上妝之前有做正常嘅保濕程序， 同時遮瑕度都好足夠 ，唔需要上太厚嘅粉都可以遮到毛孔 ，均勻膚色， 作為第一次用粉餅嚟講感覺幾好。
至於持妝嘅效果 ，可能因為依家夏天都比較炎熱，而我都比較容易出汗，所以一般晏晝底妝可能剩返7-8成，需要再另行補妝。
總括而言，我都幾滿意呢個粉餅會推薦俾身邊嘅朋友。

上妝前
上妝後