LAURA MERCIER

純淨無瑕輕羽養膚粉餅

多謝cosme送出嘅Laura Mercier 全新純淨無瑕輕羽養膚粉餅！講真超開心！因為我咁啱呢排都喺度搵緊一個好好用嘅粉餅 又可以補妝又可以上妝嗰啲。但係我對粉餅嘅Stereotype就係會好容易卡粉，而且上得唔好會好容易好厚粉。
我係夏天混油嘅肌膚，冬天混乾。如果有一樣膚質嘅都可以參考吓我嘅用後感！

正題！
本身真係唔expect好多 因為我用開粉底液 感覺上液體冇咁容易卡粉。但係呢個真係改變咗我對粉餅嘅印象！其實佢摸落啲粉冇話特別幼細，我上粉嘅時候都覺得好似都ok唔差咁。但係！到咗夜晚 塊面出咗少少油 竟然同我自己本身嘅油脂融合得好好睇！！呢個係最驚喜 因為好多好出名嘅粉底液或者粉餅 都未必做到呢個效果！自己都好鍾意試唔同嘅粉底 佢即刻榮升係我第二鍾意嘅粉底哈哈哈哈
佢的確係講到好輕盈 所以佢遮瑕度都唔算好高 官方話如果遮瑕度高啲，可以濕少少水 我自己就覺得唔濕水嘅話其實都已經好足夠日常用

好老實講佢個粉撲 一睇就覺得好伏😂 但係居然！！！！真係用佢原裝嗰個粉撲先上到佢所講嘅妝感 如果有條橡筋喺中間就好啦😭🤣 都唔算好難用嘅 因為佢軟腍腍 我覺得可以接受 大家自己衡量~

我自己本身係上咗primavista嘅控油版Primer先再上呢個 比起我平時嘅妝感 呢一隻粉餅都係比較控油 而且唔需要上碎粉都可以做到日常需要嘅效果。持久力好OK 剩係得鼻翼少少甩咗妝 小小kick粉 我覺得係好難避免😂 但係佢喺我塊面度整體真係好好睇囉！！！！！！

大家可以睇我上咗妝嗰張相 可以見到我帶妝6個小時後嘅效果 我認真認真覺得佢同我面上面嘅油脂融合得好好睇😭😭😭😭🙏🏻🙏🏻🙏🏻

欣賞嘅地方: 輕薄自然，容易快速/新手上妝，容易補妝，持久，長時間帶妝仍然好好睇

敗筆: 個殼係膠質 冇乜儀式感 有少少失望😂，需要高度遮瑕嘅未必啱你，希望粉撲可以做user friendly啲

以上就非常真心嘅用後感！我呢幾日都好勤力用！大家啱用就攞去參考！多謝！