Atorrege AD+

速效保濕噴霧

自己工作長時間係室內，日日對住部冷氣，塊面到下晝就會乾到出油，加上我係敏感肌，就更容易痕同紅，真係少少難攪。今次有機會試用呢個ATOREGREAD+嘅噴霧，掂！

最鍾意佢支噴霧嘅設計，個噴頭噴出嚟啲水霧好細緻，唔會好似其他牌子咁「噗」一聲，水珠大到滴落嚟，搞到成塊面都係水。佢噴出嚟好似一層薄霧咁，均勻咁灑喺塊面上，超級舒服！試用期間多數放喺公司，覺得塊面乾或者唔精神嘅時候就噴兩下，即刻補水醒神，再用紙巾印走面上多餘油脂，得咗！

產品聲稱可以舒緩繃緊皮膚同補水，係真㗎。我用咗佢之後，下午塊面都冇以前咁繃緊，妝都貼服咗，唔會再乾到浮粉或者痕。有試過返到屋企洗完面，喺搽乳液之前都會噴一噴，感覺好似幫後續嘅保養品打底，一物兩用。

而家呢支噴霧我會放係手袋入面，隨時想用就用。乾又噴吓，想精神啲又噴吓，就嚟用哂了… 要再去買過！真心推介畀所有鐘意用補濕噴霧嘅朋友！