CeraVe

溫和洗卸二合一潔膚露

真係好多謝呢次試用機會！我用咗大概一星期。我係敏感肌，平時好少轉產品，不過呢個品牌信得過，所以我都有信心試吓。

佢係比較稀身嘅乳液狀，但係又會起到少少泡，一支就可以卸妝同洗面，好方便。我平時主要用嚟卸防曬，佢真係可以徹底卸走防曬同面油污垢。沖完水之後，塊面好清爽乾淨，但同時又keep到保濕，唔會繃緊。之前我習慣卸完妝再用多次洗面奶，但成日會搞到塊面好乾，而家發現用呢支二合一已經好夠洗，仲要好舒服溫和，真心方便！我試過用佢嚟卸日常嘅眉毛同碎粉底妝，乾手乾面按摩，再加少少水乳化，真係可以一次過卸得好乾淨，省卻咗雙重清潔嘅步驟，對皮膚嘅負擔細咗好多。慳時間之餘，最重要係皮膚狀態更穩定，冇再因為過度清潔而泛紅。對於平日只化淡妝或者只搽防曬嘅我嚟講，呢支真係懶人恩物，一定會回購！