Charlotte Tilbury

輕盈無瑕粉底液 (NEXT GEN粉底)

CHARLOTTE TILBURY 新推出左NEXT GEN! AIRBRUSH FLAWLESS FOUNDATION 輕盈無瑕粉底液，即刻試用下先🤓

玫瑰金色樽蓋勁靚，淨係外表已經贏左😂
按壓泵頭設計易岀易控制，唔會有多餘溢岀
只要一粒綠豆份量已經夠搽哂手背。Charlotte Tilbury行開歐美風，以為粉底會偏厚，點知好水潤，質地好容易推開。想厚d遮瑕力高d又得，推到好輕薄又得，得左🤓
原來仲有防水成分C.T. Defense，試左浸水再用力擦都冇乜點甩，咁即係岀汗都唔驚啦🥳雖然防水，但卸妝無難度，用卸妝油打幾圈就溶哂。顏色係3N，都幾貼近我膚色。黃黑皮用一樣好自然，唔會偏白。成分中有柔焦微粒粉末科技，令妝感霧面之餘亦帶有光澤，能夠好好修飾毛孔同膚色不均。遮瑕力中高級，但唔會假面。對日常工作行街嘅妝容已經好足夠。個人而言已經唔洗再用任何遮瑕產品，一枝已經可以遮埋黑眼圈同小小色斑。

粉底液滋潤但唔會黏膩，透氣 輕薄唔會卡粉。去左成日街，天氣悶熱下T字位有小小岀油但冇溶妝，唔需要補妝。用左幾日都冇生粒粒👍👍
唯一有一樣小小缺點就係粉底液乾得幾快，一吱一推開已經開始乾，要快d手腳先得。建議少量多次吱粉底液減少浪費。