Charlotte Tilbury

輕盈無瑕粉底液 (NEXT GEN粉底)

感謝今次@cosme 同Charlotte Tilbury 邀請使用全新嘅 Next Gen 粉底~
今次呢個 Airbrush Flawless foundation 輕盈無瑕粉底液 主打高遮瑕同時輕薄0妝感 ，亦都做到持妝同埋不氧化
佢嘅包裝一如以往用粉紅色同玫瑰金做主調 有少女心得來又優雅✨✨
佢個樽蓋係波浪紋，樽身就係 啞光面 ，除咗泵頭中間嘅金屬色位置之外其他地方都唔會有指紋印

佢係用泵頭嘅設計方便得來又唔會整污糟手，泵頭唧出嘅份量亦都非常精準
可能有色差嘅關係，照片顏色比較粉紅，實際上更加中性，比照片顏色多一點黃調

上圖係啱啱上 妝，室內黃白燈
呢幅圖就係啱啱上妝，自然光( 室內太陽光

質地輕薄👍🏻適合夏天、或者油肌、混合性肌膚使用
延展性 不錯 可以輕易推開
遮瑕力⭐️⭐️⭐️⭐️⭐️⭐️！
咁啱肌膚狀態唔好，又有暗瘡，仲要好深黑眼圈
佢都基本到七成半，仲要係喺 妝感好輕薄
乾肌做好保濕基本上唔會卡 粉，我本身面部唔太會出汗，所以防汗程度就唔肯定
不過上面拍開明顯係有一層膜的感覺，應該防水
保濕度正常 ⭐️⭐️⭐️始終 係高遮瑕同list lasting嘅粉底
用咗幾日暫時冇塞毛孔嘅情況
要讚嘅係感覺唔容易氧化，每日帶 妝12個鐘左右 返到屋企應該暗沉咗半度至一度，視乎當日喺戶外活動嘅時間

同之前用過嘅 GA Armani 藍色標誌個粉底 比較， 今次CT 呢個會比較高遮 瑕少少 🤏同埋更加 long lasting
保濕方面就會GA好啲
佢有少少似L‘Oréal 紅色蓋嗰支持 妝粉底 ，不過CT呢個更加輕薄✨

呢個新嘅next gen粉底液同上一代粉底相比，今次呢個完 妝之後 會有一層膜嘅感覺，上一代粉底係冇嘅
如果有持 妝需求嘅話相信呢個會更適合

呢個粉底液算係速乾，所以一定要快手快手快手⭐️
同埋分區上

我有試過用粉底刮刀再用 半乾粉撲拍開
妝感會更加輕薄，同時有中度嘅遮瑕 ，仲可以保留一定嘅保濕度
用粉底掃嘅話遮瑕度會保留得更好 ，真係做到無暇 肌，不過要做好保濕

兩個方法我都係 使用大概半泵多少少嘅粉底
日常遮瑕度絕對足夠如果要無暇底妝嘅話就用一泵

so far覺得佢真係有做到高遮瑕、輕薄貼 膚，延展性同埋保濕度OK
對我乾肌嚟講我就覺得夏天用係適合
春秋做好保濕都冇問題 冬天就未必啱啦