Charlotte Tilbury

輕盈無瑕粉底液 (NEXT GEN粉底)

多謝@cosme嘅邀請。
一如既往， Charlotte Tilbery 嘅包裝係唔會令人失望。由包裝盒，去到粉底液嘅樽，都好有貴婦嘅感覺。 我其實已經係佢Air Brush粉餅嘅用家，佢嘅粉餅同佢講一樣都有磨皮嘅感覺。今次見到有佢哋嘅新出嘅粉底，當然即刻報名試用啦。

我平時出街尤其夏天其實都唔會用粉底，只係用粉餅。今次佢講到佢嘅特色係零負擔同持久唔溶妝，所以就試吓喺30度以上用嚟出成日街。

我本身皮膚屬於混合成偏乾，眼部同埋嘴邊會有少少乾紋。兩邊面頰都有好明顯嘅雀斑。


我首先用咗少少某隻C字頭法國品牌嘅底妝先。之後用我平時搽粉底嘅方法，放少少粉底液喺手背上面，跟住用刮刀攞起少少粉底，喺每邊面刮上粉底液。
我覺得佢質地好輕盈，不過刮上面之後好快就有結膜嘅感覺，所以我建議分開兩邊面搽粉底會易推開啲。

我用咗藥丸咁大嘅份量左右，就已經遮到我八成嘅雀斑。而且覺得比平時嘅粉底輕盈，零負擔。同佢嘅粉餅一樣，都有磨皮嘅感覺，好適合鍾意啞妝感嘅人。
跟住我化咗妝，喺30度以上高溫咗成日街，有去商場同行咗少陪份室外。返到去個妝都keep得到，只係溶咗少少。我 整體都幾滿意，只係用埋粉餅之後可能 有少少乾嘅感覺。可能下次用嘅時候會用多少少保濕，同埋嘗試打多層粉底。效果可能會好啲。