NIVEA

極潤低敏修護乳液（無香版）

今次試用NIVEA妮維雅嘅舒敏修復低敏乳液，主打針對乾燥同緊繃嘅肌膚問題，為肌膚提供舒緩。呢隻潤膚露係白色乳液質地、好易推，但建議一次唔洗用太多，因為唧少少已經好夠搽每個身體部位、唔會吸收得好快。

作為一個皮膚成日都好乾嘅人，呢隻低敏乳液可以令肌膚冇咁乾。而且佢含有Dexpanthenol成份，可以增強皮膚嘅天然屏障，敏感肌都啱用！官方稱舒敏修復低敏乳液有效立即舒緩發炎區域同富含「深層滋潤精華」，乾燥同緊繃皮膚嘅人啱用。呢款低敏乳液係無香版，但個人覺得用落係有淡淡嘅藥草味。

喺Before & After圖中所見，我本身皮膚有啲位會特別乾同埋有粒粒，搽咗七日之後本身乾到有少少龜裂嘅位已經好返好多、肉眼睇已經冇龜裂。

多謝 @cosme 提供試用，我可以用呢款乳液搽勻全身，令自己嘅肌膚冇咁乾之餘亦feel到保濕，同埋我覺得最好嘅係佢冇其他潤膚露咁黐笠笠。雖然都要啲吸收時間，但同雙管精萃凝乳一樣唔會一搽就覺得黏，覺得平時買一支擺喺屋企看門口都幾好。