NIVEA

極潤低敏無香修護乳液

多謝Cosme又抽中我參加試用！

今次試用嘅係NIVEA 全新 ：
- 極潤低敏無香版修護乳霜 及
- 極潤低敏無香版修護乳液

人大左最有感嘅係手腳皮膚愈黎愈乾，唔再係以前咁水潤，郁啲就又乾又痕，搽多多cream都唔夠，所以沖完涼搽cream已經成為我30+嘅daily routine之一…..

今次呢款無香版乳霜包裝上係面霜嘅放大版，好得意！一開始用，冇咗NIVEA經典香味有少許唔適應，但乳霜原材料味道仍然討好！質地比我想像中輕盈而滋潤效果同樣出眾，如果經典藍罐係花生醬，呢罐就係沙律醬。乳霜非常容易推開，節省好多搽身嘅時間，吸收快且油感唔明顯，皮膚即時感覺軟熟咗！試用前手臂摺位因為出汗多而想發濕疹，上臂都有輕微皮情況，用完都能夠即時舒緩！舒服！

乳液樽身設計同香味版冇分別，我幾鍾意佢唧頭有鎖樽功用，唔怕唔小心揩到就浪費咗…… 無香版味道上同樣討好，冇濃烈嘅原材料味道，質地反而比我想像中濃稠，但同樣非常容易推開，吸收快！早兩日因為出汗加上大髀內側磨擦到有少少紅腫，搽左少少已經即時舒緩左，有驚喜！以前曾經試過同樣情況，嘗試用其他牌子睇吓會唔會舒緩到，但係無效之餘仲感覺刺激咗…..

無香絕對係產品嘅優勢，對鼻敏感人士非常友好之餘，亦可以幫助到皮膚屏障受損要求即時舒緩嘅人士！不過始終產品主打極潤，春夏潮濕天氣唔太啱用，嚟緊秋冬乾燥啲就啱啦！