AHC

醫美科研水光導入玻尿酸精華 #水光微整精華

AHC「水光微整精華」試用心得

首先多謝cosme邀請試用呢支水光微整精華！講真，一開始我都係俾個名吸引到，「微整」喎，聽落好似好勁咁，係咪真係做到「打完水光針」嘅效果呢？等我同你哋講下我用咗兩星期嘅真實感受啦！



🪞質地
支精華一撳出嚟，係透明嘅啫喱狀，推開之後超易吸收，完全唔黏立立！一搽上面，咻一聲就吸咗入去，皮膚即刻變得水潤咗。氣味方面，有陣好清淡嘅花香味，唔會太濃，聞落好舒服。


我本身係混合肌，T字位出油，但面頰又乾到爆，尤其轉天氣嗰陣，塊面成日甩皮兼繃緊。我通常早晚都用，洗完面、拍完爽膚水之後，就擠兩泵份量，搽全面同頸。佢話可以「妝前打底」嘛，所以我化妝前都會用，真係冇咁易浮粉！有時我仲會攞多啲嚟做局部濕敷，尤其係鼻翼同眼底呢啲易乾位。


⭐️用後感
用咗兩星期，我可以好肯定同你講：保濕度真係冇得輸！尤其係朝早起身，摸塊面都係滑捋捋，冇之前咁乾。而且最明顯係毛孔睇落細咗，可能因為皮膚夠水，冇脹得咁犀利。至於「水光感」呢，我覺得係有嘅！皮膚光澤咗，睇落冇咁殘，好似瞓多咗幾個鐘咁。

不過要提一提，如果你期望「微整」係即時撫平細紋或者V面，咁就可能要配合其他產品啦。但以一支保濕精華嚟講，佢真係交到貨！


⚠️缺點
⭐️如果你係大油皮，夏天用可能覺得有啲潤，建議夜晚用就好。
⭐️價錢唔算平，但一支都用得幾耐，計返都抵嘅！


😚總結：
值得回購！ 尤其而家轉季，皮膚唔穩定，呢支精華真係幫到手。保濕、光澤、毛孔都有改善，已經成為我護膚步驟裡面不可缺少嘅一步！如果你都係乾肌或者混合肌，想揾支保濕力強又唔笠的精華，AHC 呢支真係值得試下！