AHC

醫美科研水光導入玻尿酸精華 #水光微整精華

感謝Cosme同AHC合作抽中邀請使用10月上市的
水光微整系列😄AHC醫美科研水光導入玻尿酸精華
韓國一直都係美容大國，我成日經過橙色嗰間個人護理店都見到呢個牌子有好多產品
印象係價錢唔貴又大把回頭客

今次呢個勁啊，聽個名都心郁郁想試，佢有五大形態無針水光玻尿酸，仲有Pro咖啡因加高純度維他命B5

唔使去美容院做facial買package都有呢個效果真係好心動喎😍
佢係滴管設計，夠哂衛生
啫喱質地好易推好快吸收
好低調嘅淡淡嘅香氣
搽上面覺得好舒服
幾秒鐘就吸晒，但係好似有小小好輕微嘅吉吉地
唔知係咪因為30秒快速Pump up蘋果肌嘅功效呢？
上完面覺得有即時保濕嘅效果👍🏻👍🏻👍🏻個時間仲留到夜晚收工返屋企都冇掹掹緊
用左2星期
發現鼻翼旁條法令紋好似條坑冇咁深🫢
Bonus係毛孔因大量保濕而變小了🥳🥳🥳摸落塊面覺得有啲啲Firm到（偷笑🤭）
整體嚟講舒緩乾敏係一定做得到
邊個話平嘢冇好嘢㗎？如果用完成支我諗效果再明顯啲🙊