AHC

醫美科研水光導入玻尿酸全臉眼霜 #水光微整全臉眼霜

首先要多謝@cosme 抽中我體驗AHC全新水光微整系列 - 水光微整全臉眼霜。

先講講產品嘅設計，長身軟管型，附有按摩頭，輕輕擠出使用份量嘅眼霜即可直接塗於眼周，再用按摩頭輕輕打圈按摩，全程不沾手。但打圈按摩嘅時候要小心，唔好擠壓到軟管，否則會繼續擠出眼霜變成越搽越有。另外，以眼霜嚟講，佢係屬於好大支嗰種，有成30ml，拎住咁大支係眼周按摩，一開始會感覺唔就手，用多幾次先習慣。

效果方面，按摩頭嘅設計能有效減少眼周浮腫，但係消除黑眼圈方面為零，完全睇唔出。雖然係眼霜，但可以全臉使用，不過對於法令紋，都係睇唔出有效果，眼周嘅細紋感覺就有少少改善。整體效果唔明顯，只有按摩頭嘅設計夠方便，有效消除眼腫。如果目標係消腫嘅，呢款眼霜會係好合適嘅產品，但想減淡黑眼圈嘅就唔合適啦。