OLAY

胜肽專研緊緻修護安瓶精華

試用程度：試用咗七日，頭兩日早晚只使用安瓶，但覺補濕不夠所以回復平時護膚routine，早晚於水狀/乳狀產品中間使用。試用期間撇除有一兩日冷鋒外，天氣仍然十分和暖。

容器：●●●●●○○
膠管裝五條一pack，幾方便帶去旅行使用👍
撕開一條條時披口位有點𠝹手，以及手濕後擠壓有少許困難，膠再軟d會更出色。
安瓶開口位可以做番個蓋好方便！但希望尾翼位咁長可以做d變形，令佢變成自己企得穩嘅狀態。
氣味及質地：●●●●●●○
冇明顯人工香味/原料味，質地係好微稠嘅水感，上臉易推，吸收後亦無厚重感覺，有可接受嘅超輕薄成膜feel。

成分：N/A
因為試用品只係放咗入個啪鏈袋冇產品外包裝，上網亦搵唔到完整成分表，所以未能評論。

效果：●●●○○○○
最主要感受到嘅係有改善乾紋，尤其眼底部分，但可惜主打嘅表情紋/緊緻提拉等感覺未有見到。
單搽唔夠補濕，唔知點解用完之後皮膚出油勁咗，大概四個鐘左右就會油光滿臉，日間會感覺需要花額外心力去做控油，喺呢個季節嚟講很反常。
另外有觀察到臉毛汗毛多咗，唔肯定關唔關產品事。
使用期間冇過敏，但除毛後出現過敏徵狀時搽佢冇改善而且會痛，所以只能說佢唔會引起過敏、亦無助紓緩過敏🙁

結論及建議：●●●○○○○
唔係太感受到介紹嘅肌膚屏障加強/類botox嘅感覺。日常皮膚穩定時使用當extra收乾紋無嘗不可，但急救就不了。
成個試用當中最有印象佢個包裝設計，尤其個cap👍 （i.e.內容物唔太remarkable）