OLAY

胜肽專研緊緻滋潤面霜

再次多謝 cosme嘅邀請，令我可以試用近期最Hit嘅OLAY胜肽專研緊緻滋潤面霜！對於呢個面霜我係非常之期待！因為佢係被譽為「微整面霜」嘅再升級版！可以緊致提拉肌膚，放鬆表情紋，連醫生都推薦，話佢可以延長淡紋嘅效果！

隨着年紀越大，感覺皮膚真係有啲鬆弛，尤其影相嘅時候，耷低頭嗰陣時，更加見到塊面冇以前咁飽滿，睇出嚟有少少顯老。同埋就算而家未去到冬天，已經覺得皮膚乾燥，啲細紋都出晒嚟。就算搽咗面霜，好多時未夠半日，已經覺得好乾。

試用咗OLAY胜肽專研緊緻滋潤面霜，只係兩日，就已經覺得皮膚有返滋潤修護嘅感覺，潤而不笠，而且有緊緻嘅感覺，影相嘅時候覺得jaw line都有出返嚟！

連續用咗兩個禮拜之後，由於佢可以8小時激活13種膠原，同埋三大抗老蛋白，令到肌膚明顯更加豐盈水彈，魚尾紋、法令紋都撫平咗，蘋果肌漲卜卜。最重要係捱完夜，第二朝個殘樣都有所改善！功效超越一般嘅膠原面霜，好厲害！好似網民所講，佢係塗抹式醫美！以一隻開架式嘅面霜，可以做到呢個效果，實在好神奇！

我嘅小小心得，就係每晚沖完涼，搽咗爽膚水精華之後，就會將面霜放喺手心，搓暖咗之後，再由下而上按摩手法去幫助吸收，同埋俾少少力，做一個提拉嘅手法！我會繼續keep住用，輕熟肌要好好保養，先至唔使咁快去打真。Botox ！