OLAY

胜肽專研緊緻滋潤面霜

30幾歲，覺得皮膚開始顯老，面頰有啲鬆弛，仲好乾燥，成日好似好攰咁。感謝Cosme 邀請我試用呢款面霜。

一打開，面霜有陣淡淡嘅清香，質地似乳霜，推開好順滑。我係混合偏乾肌，夜晚搽上面，吸收快，滋潤但唔笠，開冷氣瞓覺，朝早塊面都唔會繃緊，感覺好舒服。

我皮膚比較敏感，用咗三晚無不適，之後日頭化妝前都開始用，妝容貼服又有光澤，似有種自然光感。用咗兩星期，面頰望落飽滿咗，影相時皮膚有光澤，彈性好似提升咗少少。雖然細紋未有大改善，但皮膚滑咗，之前暗啞同泛黃嘅問題都少咗。