PANTENE

3秒奇蹟髮油 (茉莉山茶)

好開心抽到@Cosme嘅試用邀請，試用咗Pantene嘅3秒奇蹟髮油（茉莉山茶香）！
首先香味方面，淡淡嘅茉莉加山茶花香味好清香，唔會太濃，吹完頭用完之後，頭髮其實都冇乜味，但係隻手仲有茉莉花香味。😆
透明油狀質地，但唔厚重，推開之後好快就吸收晒，唔會留低油膩感，用完雙手都唔會黏笠，呢點我覺得好重要。
我係每日洗完頭之後，頭髮吹到差不多乾，擠兩至三泵喺髮尾上，即時令頭髮柔順咗好多，光澤感明顯提升。用咗差唔多一個禮拜，毛躁情況都減少咗，尤其係髮尾位置，肉眼可見嘅分別，唔再咁乾燥打結，梳頭都順手咗，仲甩少咗頭髮！

頭髮完全吹乾之後，髮油已經完全吸收，冇殘留感，唔覺有黏笠或者厚重嘅感覺，頭髮摸落仲有種滑滑嘅感覺，但唔係油膩嗰種。相比我以前用過嘅髮油，Pantene呢款真係吸收得特別快，而且唔會令頭髮扁塌。
Pantene 3秒奇蹟髮油（茉莉山茶香）真係做到佢講嘅「3秒吸收、唔黏膩」，用後感清爽，係一款值得回購嘅髮油！