PANTENE

3秒奇蹟髮油 (茉莉山茶)

多謝@cosme 抽中我試用Pantene 3秒奇積髪油。

我嘅頭髮偏粗同硬，喺潮濕天氣更加會有毛糙嘅問題。

Before：上圖：頭髮因為較粗，所以望落去偏乾旱， 毛躁，缺乏光澤。

本身都用緊唔同嘅護髮產品，例如 髮膜，髮油同面沖洗護髮素等等，嘗試令自己嘅頭髮柔軟啲。Pantene呢支髮油有90 ml，以佢哋嘅價錢，呢個size好抵用。 坊間其他牌子嘅髮油都係偏向容量少或者比較大容量就要大概$200。
撳出嚟嘅髪油偏稀，好快流到落手臂。茉莉香味好濃，我覺得濕法用就可以多啲，乾髮就建議一兩泵就夠。 上圖：髪油稀到流到落手臂上圖：均勻搽喺手上面會好似好油咁上圖：但係一搽晒喺頭髮度之後，就迅速被吸收晒，手上面嘅油立感會冇咗。用後感：搽咗幾日之後覺得頭髮有光澤咗同平服咗少少，茉莉花香味幾香（應該香到唔駛噴香水），感覺唔錯。 但係要持續用一段時間，先知道長遠嘅效果。