PANTENE

3秒奇蹟髮油 (雪松玫瑰)

好有幸抽中Pantene 3秒奇蹟護髮油，我抽中嘅係溫暖雪松 x 馥郁玫瑰花香味。

平時我會吹頭吹到8-9成乾時，就用護髮油搽喺頭髮上，之後再用凍風吹乾剩低嘅頭髮。
而平時如果見到毛躁都會再用護髮油

今次先講護髮油氣味，我覺得玫瑰味唔算好濃郁，係淡淡嘅香味，均勻塗抹喺頭髮上，唔算話好香，要好近好近先會聞到。

髮油嘅質地，容易吸收，透明，唔算黏笠，但係用完之後我都會洗手。
用完之後，即時令頭髮變得柔順，有光澤，冇咁毛躁，但係我覺得頭髮吸收需要時間，初段都係會有少少黏笠，但係過咗就會完全吸收晒。

用咗大概一星期，順滑感唔算提升好多，當然即時嘅效果係會有，但係過咗一陣效果就會慢慢減退，希望長期使用可以令頭髮更加順滑，減少毛躁。