PANTENE

3秒奇蹟髮油 (茉莉山茶)

多謝 @cosme 抽中我試用Pantene 3秒奇蹟髮油，好開心可以試用唔同嘅護髮產品，因為成日染髮，本身髮質比較乾燥易打kick同毛躁，平時用開護髮素、髮膜同其他髮尾油產品。

樽身設計好貼心，一邊可以lock實，另一邊開啟先擠到髮尾油。質感係偏水狀嘅流質，相比其他髮尾油來講比較稀，一開始都擔心唔夠潤，不過好處就係手唔會好油好痴笠笠，塗落頭髮好快就吸收到。吹到半乾再係髮尾塗一次再吹，頭髮乾左之後，做到同其他髮尾油一樣嘅效果，可以順滑唔打kick同撫平毛燥感，第二日起身都仲keep到順滑感，用左一排都覺得唔錯。

今次試用嘅係茉莉山茶香，一擠出來就聞到好濃嘅花香，有茉莉綠茶嘅感覺，塗上頭髮就開始變淡，唔會假香，但第二日起身基本上已經聞唔到香味，持香度唔夠，不過呢個價格來講係非常適合日常用嘅髮尾油，下次都會想試下買雪松玫瑰味試下，好用。