KANEBO

滋養彈力活肌日霜

首先多謝@cosme 抽中試用～

最近開始用呢款日霜，真心覺得係一款集保濕、防曬、持妝於一身嘅日霜，對我呢啲朝早趕出門又唔想層層疊疊搽太多嘢嘅人嚟講，真係好方便！日霜質地柔潤滑身，推開好容易，吸收得快，搽完之後皮膚即時有水潤感，但完全唔會焗促或者黏笠，感覺好親膚，唔會有負擔。
搽完之後塊面即刻有種透亮感，唔係死白，而係自然嘅柔焦光澤，膚色睇落更均勻有精神。保濕力都唔錯，就算喺冷氣房坐成日，皮膚都唔會乾，仲keep到水潤感。
我會喺化妝前用呢款日霜打底，之後上粉底會更順滑，唔會起屑或者卡粉，底妝貼服咗好多。最驚喜係控油效果都唔錯，一整日都唔易出油浮粉，妝感保持得幾靚。

佢有SPF30 PA+++，平時返工、出街已經夠用，唔洗額外再加防曬，慳返一步，夠晒方便。

整體用落感覺好舒服，保濕、防曬、持妝一次過搞掂，對我呢啲懶人嚟講真係超加分。無論係乾肌定混合肌都應該會鍾意，絕對值得一試！