KANEBO

滋養彈力活肌日霜

多謝@Cosme邀請使用KANEBO 滋養彈力活肌日霜。黑色玻璃矮罐，小小型又啱啱好放入女仔嘅skincare 收納盒入面，product 跟有一枝小匙羹，方便你控制使用嘅份量同埋唔會整污糟你靚靚嘅指甲～

個人使用感受：
感覺比較一般日霜厚身，有好香嘅花香味，伸縮性和延展性好夠。本身有防曬系數spf 30 pa+++，對於日常返工出門已經有足夠，如果係出門曝曬嘅日子，我都會on top再加一層防曬，防曬疊加 都唔會有衝突，唔會有 擦膠碎 。
上面之後吸收度都快，一搽就有光澤感，而大概過5分鐘後就有成膜嘅感覺，再上妝亦唔會影響後續化妝。補妝步驟大大簡化，印一印油噴啲水保濕就得，仲可以開hold到一整日，到落妝個種保濕度依然feel到。
去到夜晚落妝嘅時候，落妝後皮膚依然光滑，唔會有強烈嘅乾燥感覺，即使T字部位平時比較乾燥，都唔會有太繃緊嘅感覺。我自己用完之後，都會想再回購～

總結:
推薦俾日常護膚比較簡化嘅女仔，因為你可以慳咗日頭護膚步驟，快快脆脆完成上妝出門亦唔會影響你妝容整日嘅完整度。