KANEBO

原生活力精華粉底霜

好開心收到Cosme既試用邀請。今次試用既係升級版原生活力精華粉底霜，色號係230 (Vanilla)。

包裝盒入面附有一枝小棒棒，而打開蓋後，用左一個透明蓋去做隔層。

粉底霜既質感比較厚重，感覺適合秋冬季使用。搽上之後感覺濕潤，皮膚唔會太乾，延展性都幾高，好容易就可以推開。

呢隻粉底主打裸肌感，搽上一陣後，感覺都幾貼皮膚，而一啲暗瘡印都可以遮到六七成，整體使用感覺唔錯。