HADA LABO 肌研

H.A. Supreme 活顏緊緻面霜 #水光燈

有幸抽中試用H.A. Supreme 極光導入系列既3件product, 感謝@cosme 同肌研

呢款面霜質地柔滑輕盈，推開好容易吸收，完全唔會覺得厚重，啱哂我呢啲偏乾皮膚。最開心係佢入面有玻色因同多重透明質酸，感覺用完之後肌膚即時水潤，充滿彈性。我臉頰位係會乾到甩皮，尤其有時需戶外工作，但呢排轉涼無呢個情況，都不得不歸功於呢個面霜，過左半日都keep到水潤，摸上面依然好滑，唔乾。試過調轉次序, 先用面霜, 再用透亮活力精萃水, 同樣都係好水潤，不過我都係慣左先用精萃水再用面霜。

而用落最深刻係呢款面霜有助緊緻肌膚同減淡細紋，虎紋位相對明顯，照鏡時都覺得改善左膚色暗沉問題，令皮膚有透亮感，大概用左十日左右開始感受到，以佢既零售價而言，佢既效果真係超乎預期，同專櫃品牌有得揮。