HADA LABO 肌研

H.A. Supreme 活顏緊緻面霜 #水光燈

試足14日，肌研呢支水光燈面霜真係俾到驚喜我！佢嘅質地偏面霜感，但推開都好快吸收晒，唔算太黏膩，搽完面霜即刻覺得塊面好水潤飽滿。

我自己皮膚偏乾，早晚都有用，朝早化妝前用，個底妝真係貼服咗好多，之前鼻翼同眼底會卡粉，而家完全無卡粉！就算我成日對住冷氣房，半日之後塊面都依然keep到水潤，唔會乾繃繃，保濕力好好。

連續用咗兩星期，我發現塊面冇之前咁暗沉，尤其係蘋果肌位睇落飽滿咗，成個膚色均勻透亮咗。我跟佢個「霜灌法」試（即係先搽面霜，再拍化妝水），個水光效果真係再明顯啲，塊面由內到外透出嚟嘅光澤好自然，唔會油光滿面。

無論單用定跟「霜灌法」用，效果都好出色，會回購！👍🏻