HADA LABO 肌研

H.A. Supreme 活顏緊緻面霜 #水光燈

#火熱新品
成日捱夜＋塊面又黃又鬆嘅人，快啲去試吓呢罐面霜！

都市人每日都要OT同捱夜，焦慮同壓力長期爆錶。皮質醇呢種荷爾蒙就係高壓同焦慮嘅產物，兩樣愈高，皮質醇水平就愈高，塊面就會愈鬆愈殘。自從我用咗肌研呢個新面霜，皮膚狀態好咗太多！

首先講下佢個【Soothing Complex】舒緩複合物體系，啲成份真好足料！藍靛籽 + 黃金藻 + 顯苯胺呢個「三劍客」組合，強強聯手，將「皮質醇刺客」打壓到唔敢再出嚟搞搞震。膠原蛋白就好似密密做嘢咁，不斷向上生長，好輕鬆就做到嘭嘭哋嘅飽滿肌。

而家轉季，皮膚特別易「唔夠水飲」，呢罐肌研面霜嘅補水同滲透力真係好勁，5D玻尿酸層層滲入去，直達皮膚底層，精準輸送水份，就算捱完夜，第二日塊面都依然係水潤潤㗎！

佢嘅質地係偏厚身嘅乳霜狀，但唔算好油膩。挖出嚟嗰陣感覺幾實在，不過一推開就化得好順，有少少滋潤嘅包裹感。

上臉幾舒服，吸收速度中等，要輕輕按摩一陣。搽完會有一層薄薄嘅滋潤膜喺面，感覺幾潤澤。乾肌同混乾應該會幾鍾意，但大油皮可能夏天會覺得有啲笠。

用咗半個幾月，感覺成塊面嘭潤咗一個層次，而且皮膚實淨咗好多，連雙下巴竟然都有咗清晰嘅折角線，化妝嗰陣粉底都唔會積埋一嚿嚿或者卡粉！！成塊面變到好平滑，好似成個肌膚都打開咗咁！！！

用起上嚟好方便，早晚拍完爽膚水之後直接搽面霜就得，得閒嘅話仲可以配合一啲按摩手勢，就咁簡單就可以養返好我哋疲態嘅肌膚！！！